තව ද බණ්ඩාරවෙල කලාපය තුළ ක්‍රීඩා අංශයෙන් ද  කැපිපෙනෙන ජයග්‍රහණ ලබාගැනීමට ද හැකියාව ලැබුණි. ඒ අතර සමස්ථ ලංකා ජයග්‍රහණ පැවතීම ද දරුවන්ගේ ක්‍රීඩා කෞශල්‍යය ප්‍රකට කරවන්නකි. ජූඩෝ ක්‍රීඩාව සඳහා ඌව පළාතේ ප්‍රචලිතම පාසල ලෙස අන්තර් ජාතික ක්‍රීඩා තරගාවලියන් නියෝජනය කිරීමට ද අවස්ථාව උදාකරගෙන ඇත. 

විෂය සමගාමී ක්‍රියාකරකම් අතර 2018 වර්ෂයේ පරිසර නියමු භට කණ්ඩායම් අඛණ්ඩව පවත්වාගෙන යන  පාසලක් ලෙස නමක් දිනා ගනිමින් ජනාධිපති පදක්කම් අපේක්ෂිත දරුවන් විශාල සංඛ්‍යාවක් බිහිකිරීමට සමත් විය. පරිසර හිතකාමි සංකල්පයන් තුලින් ඉදිරි ලෝකයට පියමැනීමට දරුවන් හැඩ ගැසී තිබීම ද ආදර්ශයක්  වනු නොඅනුමානය. මේ නිසාම ජනාධිපති හරිත සම්මානය දිනා ගනිමින් හොදම පාසල් 100 අතරට ද තේරීපත් විය.

පාසලේ දියුණුව උදෙසා නිරන්තරයෙන්ම කටයුතු කරන දෙමාපිය හා ආදි ශිෂ්‍ය ප්‍රජාව පාසලට ආශීර්වාදයකි. දරුවන්ට සුවදායි ඉගැනුම් පරිසරයක් ඇතිකිරීම උදෙසා පාසලේ භෞතික පරිසර වෙනස්කම් රැසක් සිදුකර ඇත. යහපත් ගති පැවතුම් ඇති විනය ගරුක බුද්ධිමත් දරු පිරිසක් සමාජගත කිරීම උදෙසා නිරන්තරයෙන් ඇප කැපවී සේවය කරන ගුරු මණ්ඩලයක් හා අනධ්‍යයන කාර්ය මණ්ඩලයක් සිටීම පාසලට මහත් ශක්තියකි. පාසලේ දියුණුව උදෙසා දායකත්වය දරන ඔබ සැමගේ ආශීර්වාදය නිරන්තරයෙන්ම අපේක්ෂා කරමි. ඉදිරි වර්ෂ ගණනාවක් පුරාවට ඌව පළාතටම ආලෝකයක් වෙමින් රටේ විවිධ ක්ෂේත්‍රයන්ට බුද්ධිමතුන් හා උගතුන් බිහිකරමින් නාඋල්ල ව්ද්‍යාලය වැජබෙනු නියතය. පාසලට වසර 81 සපිරෙන මොහොතේ මෙම වෙබ් පිටුවට පුර්ණ අනුග්‍රහය දක්වා සකස් කර දුන් දෙමෝදර i Fix Zone (Pvt) Ltd. සමාගමේ අධ්‍යක්ෂ ආර්.එම්. නිලන්ත රත්නායක මහතාට හා ශ්‍රී ලංකා දුම්රිය දෙපාර්තුමේන්තුවේ සේවයේ නියුතු දුම්රිය ස්ථානාධිපති G.J. දර්ශන මහතාට පාසලේ ගෞරවනීය ස්තුතිය පුදකරමි.